Poeme de Eustorg DE BEAULIEU

---

---

De arrogance et gravité

La personne a grand arrogance,
Ou est de sotise pourveue,
Qui ne donne à qui la salue
Ung seul Dieu gard en recompense.

De luy faire la reverence
Luy semble qu'est par trop tenue
La personne.

D'aultres (sans nulle cognoissance)
Ont la bouche si fort cousue
Qu'ung grand mercys n'en prend yssue,
Pour rien qu'ayt faict à leur plaisance
La personne.

---

Retour au poeme de Eustorg DE BEAULIEU

Retour à la liste des auteurs  Offrir gratuitement ce poeme

---